ཁང་པར་མེར་བསྲེཌ།
13/07/2009 10:01
པ་ཀི་སི་ཐན་དྲག་སྤྱོད་པས་གསར་འགོད་པའི་ཁང་པར་མེར་བསྲེཌ།
RFA རླུང་འཕྲིན་ཁང་།
པ་ཀི་སི་ཐན་ནང་འཇིགས་སྐུལ་དྲག་སྤྱོད་པས་གསར་འགོད་པ་ཡོངས་གྲགས་ཅན་ཞིག་གི་ཁང་པ་མེར་བསྲེགས་ཀྱིས་
གཏོར་བཅོམ་བྱས་ཡོད་སྐོར།
༄༅༎པ་ཀི་སི་ཐན་ནང་འཇིགས་སྐུལ་དྲག་སྤྱོད་པས་གསར་འགོད་པ་ཡོངས་གྲགས་ཅན་ཞིག་གི་ཁང་པ་མེར་བསྲེགས་
ཀྱིས་གཏོར་བཅོམ་བྱས་ཡོད་པའི་གནས་ཚུལ་ཐོན་འདུག པ་ཀི་སི་ཐན་གྱི་རྩོད་རྙོག་ཅན་གྱི་སྦནེར་རྫོང་ནང་དྲག་
སྤྱོད་པ་ཚོས་ཇིའོ་ཞེས་པའི་གསར་ལས་ཁང་གི་གསར་འགོད་པ་ཡོངས་གྲགས་ཅན་སྦི་རོཇེ་ཁན་གྱི་ཁང་པར་དྲག་རྒོལ་
གྱིས་མེར་བསྲེགས་བཏང་ནས་གཏོར་བཅོམ་བྱས་ཡོད་པའི་གནས་ཚུལ་སྤེལ་འདུག དེའི་གོང་ལ་ཡང་ས་ཁུལ་དེར་
གསར་འགོད་པ་རེ་མན་སྦུ་ནེ་རེ་ཞེས་པའི་ཁང་པར་ཡང་ཊ་ལི་སྦན་གྱི་མི་སྣས་གཏོར་བཤིག་བཏང་ཡོད་འདུག ཡང་
གནས་ཚུལ་ནང་ཐོན་པར་གཞིགས་ན་ཊ་ལི་སྦན་གྱི་མི་སྣས་གསར་འགོད་པ་སྦི་རོ་ཇི་ཁན་གྱིས་ཁང་པ་ཟླ་བ་གཅིག་
ཙམ་གོང་གཏོར་བཅོམ་གྱིས་གྱོང་གུན་ཆེན་པོ་སྤྲད་ཡོད་འདུག དྲག་རྒོལ་ཐེངས་གཉིས་པ་བྱེད་སྐབས་གསར་འགོད་
པ་རང་ཉིད་ཕྱི་རྒྱལ་ལ་ཕྱིན་ནས་བསྡད་མེད་ལུགས་འགྲེལ་བརྗོད་བྱས་འདུག
གསར་འགོད་པ་སྦི་རོཇེ་ཁན་གྱིས་དྲག་སྤྱོད་པས་གསར་འགོད་པ་ཚོར་སྡང་རྩུབ་བྱེད་དགོས་དོན་མེད་པས་གལ་སྲིད་
ཁོང་ཚོས་གསར་འགོད་པའི་ལས་དོན་མཚམས་འཇོགས་བྱེད་རྒྱུའི་དམིགས་ཡུལ་འཛིན་གྱི་ཡོད་ན་དུས་ནམ་ཡང་ལམ་
འགྲོ་ཡོང་གི་མ་རེད་ཅེས་གསུངས་ཡོད་འདུག དེའི་དབར་ལ་གྲོང་ཁྱེར་པེ་ཤེ་ལྦར་གསར་འགོད་པ་མཐུན་ཚོགས་
ཀྱིས་གྱེན་ལོག་པས་གསར་འགོད་པར་ལོ་མང་གོང་ནས་དྲག་རྒོལ་གྱི་ཉེན་ཁ་ཡོད་མ་ཟད་ད་བར་གསར་འགོད་བཅུ་
གསུམ་རྐྱེན་ལམ་དུ་བཏང་ཡོད་ཀྱང་གཞུང་གིས་དེའི་ཐོག་ད་དུང་གང་ཡང་གནང་མེད་སྐོར་སྐྱོན་བརྗོད་གནང་འདུག།
———
Back