གསར་འགོད་པ་གློད་བཀྲོལ།

བྱང་ཀོ་རི་ཡས་ཨ་མི་རི་ཀའི་གསར་འགོད་པ་གཉིས་གློད་བཀྲོལ།

RFA རླུང་འཕྲིན་ཁང་།

ཨ་རིའི་སྲིད་འཛིན་ཟུར་པ་སྦིལ་ཁི་ལིན་ཊེན་མཆོག་བྱང་ཀོ་རི་ཡར་ཕེབས་ནས་བྱང་ཀོ་རི་ཡས་ཨ་རིའི་གསར་འགོད་

པ་གཉིས་གློད་བཀྲོལ།      ཨ་རིའི་སྲིད་འཛིན་ཟུར་པ་སྦིལ་ཁི་ལིན་ཊེན་མཆོག་བྱང་ཀོ་རི་ཡར་ཕེབས་ནས་བྱང་ཀོ་རི་

ཡར་བཙོན་འཇུག་དོ་དམ་འོག་ཡོད་པའི་ཨ་རིའི་གསར་འགོད་པ་ལིང་དང་ལི་གཉིས་བཙོན་འགྲོལ་ཐོབ་རྗེས་དེ་རིང་

ཨ་རིའི་ནུབ་ཕྱོགས་གྲོང་ཁྱེར་ལོ་སེ་ཨེན་ཇེ་ལེ་སི་རུ་ཕྱིར་ཕེབས་གནང་གི་ཡོད་པ་མ་ཟད་གསར་འགོད་པ་དེ་གཉིས་

ཀྱི་ནང་མི་ཚོ་དགའ་ཚོར་ཆེན་པོའི་སྒོ་ནས་ཁོང་གཉིས་ཐུག་རྒྱུར་ངང་སྒུག་བྱེད་བཞིན་ཡོད་པ་རེད།

བྱང་ཀོ་རི་ཡའི་འགོ་ཁྲིད་ཀིམ་ཇོང་ཨིལ་གྱི་བཟོད་ཡང་ཐོབ་པའི་ཨ་རིའི་གསར་འགོད་པ་གཉིས་ཀྱི་ནང་མི་ཚོས་

གསལ་བསྒྲགས་ཤིག་སྤེལ་ཡོད་པའི་ནང་ཨ་རིའི་སྲིད་འཛིན་ཨོ་སྦ་མ་མཆོག་གི་གཞུང་སྲིད་འཛིན་སྐྱོང་གི་ཕྱག་ལས་

གནང་སྟངས་ལ་ཡིད་རང་བསྔགས་བརྗོད་ཞུས་ཡོད་པ་དང་ལྷག་པར་དུ་སྲིད་འཛིན་ཟུར་པ་སྦིལ་ཁི་ལིན་ཊེན་དང་སྲིད་

འཛིན་སྐུ་གཞོན་ཟུར་པ་ཨེལ་གོར་རྣམ་གཉིས་ཀྱིས་སྐུ་ངལ་ཆེན་པོ་སྐྱོན་ནས་ལིང་དང་ལི་གཉིས་ལ་བཙོན་འགྲོལ་ཐོབ་

ཐབས་གནང་ཡོད་པར་ཐུགས་རྗེ་ཆེ་ཞུས་ཡོད་པ་དང་དཀའ་ངལ་གྱི་དུས་ཚོད་འདི་འདྲའི་སྐབས་རྒྱབ་སྐྱོར་རོགས་རམ་

གནང་མཁན་ཡོངས་ལ་ཐུགས་རྗེ་ཆེ་ཞུས་འདུག

ཨ་རིའི་གཞུང་འཛིན་དཔོན་རིགས་ཁག་གིས་གསུངས་ན་ཁ་ས་སྲིད་འཛིན་ཨོ་སྦ་མ་མཆོག་གིས་གསར་འགོད་པ་གཉིས་

ཀྱི་ནང་མི་ཚོར་ཞལ་པར་ཐོག་ནས་ཁོང་གཉིས་བདེ་ཐང་ངང་རང་ཡུལ་ལ་ཕྱིར་ལོག་བྱ་རྒྱུ་ཡིན་པ་ནི་བློ་བདེའི་གནས་

ཚུལ་ཞིག་ཡིན་སྐོར་གསུངས་ཡོད་པ་རེད།   བྱང་ཀོ་རི་ཡའི་གཞུང་འབྲེལ་ཀེ་སི་ཨེན་ཨེ་གསར་ལས་ཁང་གིས་ཁི་ལིན་

ཊེན་གྱིས་དགོངས་སེལ་ཞུས་པའི་རྗེས་ཀིམ་གྱིས་ཨ་རིའི་བརྙན་འཕྲིན་གྱི་གསར་འགོད་པ་གཉིས་ལ་བཟོད་ཡང་གློད་

བཀྲོལ་བྱ་རྒྱུར་མོས་མཐུན་གནང་ཡོག་རེད་ཅེས་གནས་ཚུལ་ཁྱབ་བསྒྲགས་བྱས་འདུག

ཕྱོགས་མཚུངས་ཀེན་ཡ་ནང་གཞུང་དོན་ཕྱོགས་བསྐྱོད་གནང་བཞིན་པའི་ཨ་རིའི་ཕྱི་སྲིད་དྲུང་ཆེ་ལྕམ་ཧི་ལ་རི་ཁི་ལིན་

ཊེན་གྱིས་ད་རེས་ཨ་རིའི་གསར་འགོད་པ་གཉིས་བྱང་ཀོ་རི་ཡས་བཙོན་འགྲོལ་བཏང་བ་དེ་དང་བྱང་ཀོ་རི་ཡའི་རྡུལ་ཕྲན་

བཟོ་འདོན་མཚམས་འཇོག་གི་གྲོས་མོལ་གཉིས་དབར་འབྲེལ་བ་མེད་སྐོར་གསུངས་ཏེ་བར་མཚམས་ཆད་པའི་རྒྱལ་ཁབ་

དྲུག་གི་གྲོས་མོལ་དེའི་ནང་བྱང་ཀོ་རི་ཡ་བསྐྱར་དུ་མཉམ་བཞུགས་བྱ་རྒྱུའི་རེ་སྐུལ་གནང་འདུག།