ཐའེ་ལྦན་དུ་ཆར་རླུང་

ཐའེ་ལྦན་ལྷོ་ཕྱོགས་ཁུལ་དུ་ཆར་རླུང་གི་གོད་ཆགས། ཐའེ་ལྦན་ལྷོ་ཕྱོགས་སུ་ཡོད་པའི་རི་ལྡེབ་ཀྱི་གྲོང་གསེབ་ཅིག་འདམ་རུད་ཀྱི་འོག་ཚུད་དེ་ཉུང་མཐར་མི་གྲངས་བརྒྱ་གསོན་སྦས་ཕྱིན་ཡོད་པར་ཞེད་

སྣང་བྱེད་བཞིན་ཡོད་པ་དང་ཁོང་ཚོའི་ཕུང་པོ་རྙེད་སོན་ཐུབ་མེད་ཅིང་ཐེངས་འདིའི་མ་ར་ཀོཊ་ཞེས་མིང་བཏགས་པའི་ནུབ་ཞི་བདེ་རྒྱ་མཚོ་ནས་

བྱུང་བའི་ཆར་རླུང་དྲག་འཚུབ་དེས་རྐྱེན་བྱས་སྟེ་ཐའེ་ལྦན་གཅིག་པུའི་ནང་མི་བཞི་ཅུ་ཞེ་གཅིག་ཙམ་གྱི་ཚེ་སྲོག་ཤོར་ཡོད་པ་ཐའེ་ལྦན་གཞུང་གིས

་གསལ་བཤད་བྱས་ཡོད་པ་རེད། 

ཆར་རླུང་དྲག་འཚུབ་དེ་ཐོག་མར་ཐའེ་ལྦན་གླིང་ཕྲན་གྱི་ནང་སླེབས་སྟེ་ད་བར་བྱུང་མྱོང་མེད་པ་ཆར་པ་མི་ཊར་གསུམ་ཙམ་བཏང་པ་དང་ཆར་

ཤུགས་ཀྱི་རྐྱེན་པས་ཐོག་རྩེགས་ཅན་གྱི་ཁང་པ་དང་ལམ་གཞུང་ལ་སོགས་པ་ཆུས་འཁྱེར་སྟེ་གོད་ཆགས་ཚབས་ཆེ་བཟོས་པའི་རྗེས་རིམ་པས་ཆར་

རླུང་དེ་རྒྱ་ནག་སྐམ་ས་ཆེན་པོའི་ཕྱོགས་སུ་བསྐྱོད་སྟེ་དེར་ཡང་མི་རྒྱུ་གཉིས་ཀར་གོད་ཆགས་བཟོས་ཡོད་པ་རེད།     ཐའེ་ལྦན་རྒྱལ་ཡོངས་མེ་སྐྱོབ་

ལས་ཁང་གིས་བརྗོད་པར་གཞིགས་ན་ཐེངས་འདིའི་ཆར་རླུང་དྲག་ཚུབ་འདི་ནི་འདས་པའི་ལོ་ལྔ་བཅུའི་ནང་གི་ཆེ་ཤོས་ཤིག་ཡིན་འདུག་ཅིང་གོད་

ཆགས་ཆེ་ཤོས་ཐའེ་ལྦན་ལྷོ་ཕྱོགས་སུ་བྱུང་ཡོད་པ་དང་ལྷོ་ཕྱོགས་ཀའོ་ཤོང་རྫོང་ནང་ཡོད་པའི་ཤའོ་ལིན་ཞེས་པ་རི་ལྡེབ་ཀྱི་གྲོང་གསེབ་དེའི་ནང་གི་

སྡོད་ཁང་ཉིས་བརྒྱ་ཙམ་ཡོད་པ་ནས་ཕྱེད་ཀ་འདམ་རུད་ཀྱི་འོག་ཚུད་སྟེ་ཡོངས་སུ་མེད་པ་ཆགས་ཡོད་འདུག

ད་ལྟ་གྲོང་གསེབ་དེའི་ནང་བསྐྱོད་པའི་འགྲོ་ལམ་དང་ཟམ་པ་ཡོངས་རྫོགས་ཆུས་འཁྱེར་ཟིན་སྟབས་ཐད་འཕུར་གནམ་གྲུ་ཁོ་ནའི་ཐོག་ནས་མྱུར་སྐྱོབ་

ཀྱི་ལས་དོན་སྤེལ་དགོས་པ་ཆགས་ཡོད་འདུག་ལ་ཐད་འཕུར་གནམ་གྲུ་གཅིག་འདབ་སྐྱོན་བྱུང་སྟེ་དེའི་ནང་གི་མི་ཡོངས་རྫོགས་མེད་པ་ཆགས་ཡོད་

འདུག       དེ་བཞིན་ཆིཡ་ཡི་རྫོང་དང་པིང་ཏུང་རྫོང་སོགས་ཐའེ་ལྦན་ལྷོ་ཕྱོགས་ཀྱི་ས་ཁུལ་མང་པོའི་ནང་གི་གྲོང་དང་གྲོང་ཁྱེར་ཁག་གི་ནང་གློག་

དང་འཐུང་ཆུ་མེད་པ་སོགས་ཀྱི་དཀའ་ངལ་ཅི་ཆེར་འཕྲད་བཞིན་ཡོད་འདུག་ཅིང་ཐའེ་ལྦན་གྱི་རོགས་ཚོགས་དང་ཁེ་གཉེར་ལས་ཁང་ཁག་གིས་གོད་

ཆགས་ཕོག་ཡུལ་གྱི་ས་ཁུལ་ཁག་ཏུ་བཟའ་བཏུང་གི་རོགས་རམ་མཁོ་སྤྲོད་བྱེད་ཆེད་དཔལ་འབྱོར་འདུ་འགོད་ཀྱི་ལས་གཞི་སྤེལ་བཞིན་ཡོད་པ་དང་

གཟའ་ཟླ་བ་གཅིག་པུའི་ཉིན་ཐའེ་ལྦན་གྱི་ཌོ་ལར་ས་ཡ་བརྒྱད་བརྒྱ་ཙམ་གྱི་ཞལ་འདེབས་ཕུལ་འབྱོར་བྱུང་ཡོད་འདུག

ཕྱི་ལོ་༡༩༥༩ལོར་ཐའེ་ལྦན་གྱི་ནང་ཆར་རླུང་དྲག་འཚུབ་ཤུགས་ཆེ་ཞིག་བྱུང་བ་དེི་འོག་མི་གྲངས་༦༦༧ཙམ་རྐྱེན་འདས་སུ་ཕྱིན་ཡོད་འདུག་པ་དང་

མི་གྲངས་ཆིག་སྟོང་ཙམ་ཡོངས་སུ་རྙེད་སོན་མ་ཐུབ་པའི་གནས་ཚུལ་བྱུང་ཡོད་པ་རེད།