དཔོན་ལ་ཉེན་བརྡ།

ཁྲན་ཞུའེ་བན་ལ་ཉེས་པ་བཅད་མཁན་ཁྲིམས་དཔོན་ལ་ཉེན་བརྡ། 

ཐའེ་ལྦན་ནང་སྲིད་འཛིན་ཟུར་པ་ཁྲན་ཞུའེ་བེན་ལ་ཚེ་བཙོན་གྱི་ཉེས་ཆད་བཏང་མཁན་ཁྲིམས་དཔོན་གསུམ་ལ་

སྲོག་སྐྱོན་གཏོང་རྒྱུའི་ཉེན་བརྡ་འབྱོར་བའི་རྗེས་སུ་ཁོང་གསུམ་གྱི་སྲུང་སྐྱོབ་དམ་དུ་བཏང་ཡོད་པའི་གནས་ཚུལ་

ཐོན་འདུག

ཐའེ་ལྦན་གྱི་བརྙན་འཕྲིན་ཁག་གིས་རེས་གཟའ་ཉི་མའི་ཉིན་ཁྲིམས་དཔོན་ཙའི་ཤོའུ་ཞུན་གྱི་གཟིམ་ཤག་གི་ཕྱི་རོལ་

དུ་གོ་མཚོན་ལག་ཆ་ཐོགས་པའི་ཉེན་སྲུང་དམག་མི་གཉིས་ཀྱིས་སྲུང་སྐྱོབ་བྱེད་ཀྱི་ཡོད་པ་བཏོན་ཡོད་འདུག  ཙའི་

དབུས་པའི་ཁྲིམས་དཔོན་གསུམ་གྱིས་སྲིད་འཛིན་ཟུར་པ་ཁྲན་ཞུའེ་བེན་དང་བསྙུན་གཞི་བཞེས་པའི་སྐུ་ཟླ་ལྦུ་ཤུ་ཁྲན་

གཉིས་ཀར་ལྐོག་ཟ་རུལ་སུངས་ཀྱི་ནག་ཉེས་བཙུགས་སྟེ་ཚེ་བཙོན་གྱི་ཉེས་ཆད་བཏང་བ་དེས་སྲིད་འཛིན་ཟུར་པར་

རྒྱབ་བསྐྱོར་གནང་མཁན་མི་མང་ཚོ་ཁོང་ཁྲོ་བླངས་ཡོད་འདུག

སྲིད་འཛིན་ཟུར་པ་ཁྲན་ཞུའེ་བེན་མཆོག་གིས་ལོ་བརྒྱད་རིང་གཞུང་འཛིན་གནང་བའི་རིང་ཐའེ་ལྦན་རང་བཙན་གྱི་

འཐབ་རྩོད་གནང་ཡོད་པར་བརྟེན་ད་ལྟའི་གོ་མིང་ཏང་གཞུང་འཛིན་ཚོགས་པས་རྒྱ་ནག་གི་ཤུགས་གནོན་འོག་སྲིད་

འཛིན་ཟུར་པར་སྡང་སེམས་བཅངས་ནས་སྲིད་འཛིན་ཟུར་པའི་ནང་མིས་ལྐོག་ཟ་རུལ་སུངས་བྱས་པར་ཁ་གཡོག་གིས་

ཆབ་སྲིད་ཀྱི་ལས་འགུལ་ཞིག་ལ་ངོས་འཛིན་བྱེད་བཞིན་པ་རེད༎