ནད་ཡམས་འགོས་ཁྱབ་

རྒྱ་གར་དུ་ཕག་པའི་ནད་ཡམས་འགོས་ཁྱབ་ཀྱི་ཉེན་ཁ། རྒྱ་གར་ནང་མི་འབོར་ཆེ་བའི་རྐྱེན་པས་ཕག་པའི་རིམས་ནད་འགོས་ཁྱབ་འགྲོ་རྒྱུར་ཉེན་ཁ་ཆེན་པོ་ཡོད་པ་དེར་དོགས་

ཟོན་གནང་དགོས་ཀྱི་ཡོད་ལུགས་རྒྱ་གར་གྱི་འཕྲོད་བསྟེན་བློན་ཆེན་མཆོག་ནས་དེ་རིང་ཉེན་བརྡ་བཏང་ཡོད་པ་རེད།

དེ་ཡང་དེ་རིང་རེས་གཟའ་པ་སངས་ཉིན་རྒྱ་གར་གྱི་རྒྱལ་ས་ལྡི་ལིའི་ཁུལ་དུ་ས་གནས་འཕྲོད་བསྟེན་གྱི་བློན་ཆེན་ལྷན་

འཛོམས་སར་རྒྱ་གར་གྱི་འཕྲོད་བསྟེན་བློན་ཆེན་སྐུ་ཞབས་གུ་ལམ་ན་བི་ཨ་ཛ་རྡི་ཡིས་རྒྱ་གར་ནང་མི་འབོར་དུང་ཕྱུར་

གཅིག་དང་ཚགས་གཉིས་ཙམ་ཡོད་པར་བརྟེན་དེང་སྐབས་འཛམ་གླིང་ནང་དར་ཁྱབ་འགྲོ་བའི་ཕག་པའི་ནད་ཡམས་

དེ་འགོས་ཁྱབ་འགྲོ་རྒྱུའི་ཉེན་ཁ་ཆེན་པོ་ཡོད་པས་དེར་དོགས་ཟོན་དང་ས་གནས་ཁག་གི་འཕྲོད་བསྟེན་ཚན་པས་ནད་

ཡམས་དེ་འགོག་ཐབས་ཀྱི་ལས་འགུལ་སྤེལ་རྒྱུར་འཐུད་ཤོར་མེད་པ་གནང་དགོས་ཀྱི་ཡོད་ལུགས་ནན་བརྗོད་གནང་

ཡོད་པ་རེད།

ཕྱི་ཟླ་བརྒྱད་པའི་ཚེས་གསུམ་ཉིན་རྒྱ་གར་ནང་ཐོག་པར་ཕག་པའི་ནད་ཡམས་ཀྱི་དོན་རྐྱེན་འོག་མི་འདས་གྲོངས་སུ་གྱུར་

བ་དང་མང་པོ་ཞི་གལ་ནད་ཡམས་འགོས་ཁྱབ་བྱུང་བའི་གནས་ཚུལ་བྱུང་བའི་རྗེས་རྒྱ་གར་གྱི་གསར་འགྱུར་བརྒྱུད་ལམ་

ཁག་ནང་ཉིན་ལྟར་ཕག་པའི་ནད་ཡམས་སྐོར་གནས་ཚུལ་སྤེལ་གྱི་ཡོད་པ་རེད། འཕྲོད་བསྟེན་བློན་ཆེན་ཨ་ཛ་རྡི་ཡིས་མུ་

མཐུད་གསུངས་ན་འཛམ་གླིང་འཕྲོད་བསྟེན་ལས་ཁུངས་ཀྱི་གསར་དུ་བཏོན་གནང་བའི་ནད་ཡམས་དེའི་སྐོར་གྱི་སྙན་

ཐོའི་ནང་དོན་ལྟར་ཡིན་ན་འདི་ལོ་ཕྱི་ཟླ་བཞི་པའི་ནང་ནས་འཛམ་གླིང་ཐོག་ཕག་པའི་ནད་ཡམས་དེ་ཁྱབ་བརྡལ་བྱུང་

བའི་རྗེས་རྒྱལ་སྤྱིའི་ཐོག་ཁྱོན་མི་མང་ཆིག་སྟོང་བརྒྱད་བརྒྱ་ཙམ་རྐྱེན་ལམ་དུ་ཕྱིན་ཡོད་པ་ནས་རྒྱ་གར་ནང་ད་བར་ནད་

ཡམས་དེའི་འོག་མི་མང་གསུམ་ཅུ་སོ་དྲུག་རྐྱེན་འདསས་སུ་གྱུར་ཡོད་པ་རེད་ཅེས་བརྗོད་འདུག

དེ་དང་ཕྱོགས་མཚུངས་འཛམ་གླིང་འཕྲོད་བསྟེན་ལྷན་ཁང་གི་སྤྱི་ཁྱབ་འགན་འཛིན་ཁྲེན་ནས་ཀྱང་འཛམ་གླིང་ཐོག་

ཕག་པའི་ནད་ཡམས་བཀག་འགོག་གི་ལས་དོན་སྤེལ་དགོས་པའི་འབོད་སྐུལ་གནང་ཡོད་པ་རེད།     ད་རེས་རྒྱ་གར་

ནང་ཕག་པའི་ནད་ཡམས་ཁྱབ་བརྡལ་ཤུགས་ཆེ་བྱུང་བའི་རྐྱེན་ནས་ནད་ཡམས་ཁྱབ་བརྡལ་བྱུང་སའི་ས་ཁུལ་ཁག་ནང་

སློབ་གྲྭ་དང་ཚོང་ཁང་ཟ་ཁང་དེ་བཞིན་མི་མང་འདུ་འཛོམས་བྱེད་ཡུལ་ཁག་མང་པོ་ཞིག་སྒོ་རྒྱབ་དགོས་བྱུང་ཡོད་པ་

རེད།