བོད་ནང་གནས་སྟངས་ངོ་སྤྲོད་
21/08/2009 17:15
ལྷོ་ཨཕ་རི་ཀའི་ནང་བོད་ནང་གི་གནས་སྟངས་ངོ་སྤྲོད་བྱེད་པ། རྒྱ་ནག་གི་བོད་རིག་པ་སྨྲ་བའི་སྐུ་ཚབ་ཚོགས་ཆུང་ཞིག་གིས་བོད་ནང་གི་གནས་སྟངས་ངོ་སྤྲོད་དང་བསམ་ཚུལ་བརྗེ་
ལེན་བྱེད་ཕྱིར་རེས་གཟའ་ལྷག་པའི་ཉིན་ལྷོ་ཨ་ཕེ་རི་ཀའི་རྒྱལ་ས་ཇོ་ཧ་ན་སི་སྦག་ནང་འབྱོར་འདུགདེ་ཡང་ཁ་ས་རྒྱ་
ནག་གཞུང་འབྲེལ་ཤིང་ཧ་གསར་ལས་ཁང་གིས་གནས་ཚུལ་སྤེལ་དོན་ལྟར་ན་གོང་ཞུས་རྒྱ་མིའི་སྐུ་ཚབ་ཚོགས་ཆུང་
དེས་གཟའ་ལྷག་པའི་ཉིན་རྒྱལ་སའི་ནང་གི་ལྦིཏ་སི་ཞེས་པའི་མཐོ་སློབ་ཀྱི་རྒྱལ་སྤྱིའི་འབྲེལ་ལམ་སྡེ་ཚན་དང་ལྷོ་ཨ་ཕེ་
རི་ཀའི་འགྲོ་བ་མིའི་ཐོབ་ཐང་ཚོགས་ཆུང་གི་དཔོན་རིགས་ལྷན་དུ་མཇལ་འཕྲད་གནང་སྐབས་སུ་རྒྱ་མིའི་སྐུ་ཚབ་ཚོས་
བོད་ཀྱི་རྒྱལ་རབས་ལོ་རྒྱུས་དང་ཕྱི་ལོ་༡༩༥༩ལོ་ནས་བཟུང་བོད་ནང་དམངས་གཙོའི་བཅོས་བསྒྱུར་བཏང་བ་འདས་པའི་
ལོ་ལྔ་བཅུ་རིང་ལ་བོད་མིར་ཡར་རྒྱས་ཆེན་པོ་བྱུང་ཚུལ་སོགས་ཀྱི་སྐོར་ངོ་སྤྲོད་བྱས་འདུག
རྒྱ་མིའི་སྐུ་ཚབ་ཚོགས་པ་དེའི་འགོ་འཁྲིད་ཡིན་པ་ཤེས་རབས་ཉི་མ་ཟེར་བས་བཀས་བཀོད་ཞིང་བྲན་ལམ་ལུགས་ལག་
བསྟར་བྱེད་མཁན་བོད་རྙིང་པ་དེ་བཞིན་ད་ཆ་རང་དབང་དང་འདྲ་མཉམ་ཡར་ཐོན་ཅན་གྱི་སྤྱི་ཚོགས་ཆགས་སྐོར་བརྗོད་
འདུག་ལ་ཡང་ཁོ་པས་རང་ཉིད་བོད་མི་ཞིག་ཡིན་པའི་ཆ་ནས་བོད་ནང་བསྒྱུར་བ་བྱུང་བའི་ནང་དངོས་སུ་བཞུགས་མཁན་
དང་དེ་ནས་ཁེ་ཕན་ཐོབ་པའི་དཔང་པོ་ཡིན་ལུགས་བརྗོད་པ་མ་ཟད་ད་རེས་རྒྱ་མིའི་སྐུ་ཚབ་འཐུས་མིས་ལྷོ་ཨ་ཕེ་རི་ཀའི་
ནང་ཡོང་བ་དེས་ཡུལ་མི་ཚོས་བོད་སྐོར་དངོས་བདེན་གནས་ཚུལ་ཤེས་རྟོགས་ལེགས་པ་ཡོང་བའི་རེ་བ་ཡོད་ལུགས་ཀྱང་
བརྗོད་ཡོད་པའི་གནས་ཚུལ་འདུག།
———
Back