འགྲོ་བ་མིའི་ཐོབ་ཐང་

ཉིས་སྟོང་དགུའི་ཨེ་ཤ་ཡའི་འགྲོ་བ་མིའི་ཐོབ་ཐང་སྐོར་གྱི་ལྷན་ཚོགས།

ཟླ་འདིའི་ཕྱི་ཚེས་༡༢ ཉིན་ཨ་རིའི་རྒྱལ་ས་ཝ་ཤིན་ཊོན་དུ་ཨེ་ཤ་ཡའི་འགྲོ་བ་མིའི་ཐོབ་ཐང་སྐོར་གྱི་ལྷན་ཚོགས་ཤིག་འཚོགས་ཡོད་པ་དང༌།

སྐབས་དེར་རྒྱལ་ཁབ་༡༠ ཡི་འཐུས་ཚབ་དང་ཚོགས་པ་འདྲ་མིན་༡༣ མཉམ་ཞུགས་གནང་ཡོད་འདུག དེ་ཡང་རྒྱ་ནག་དང༌། ཐེ་ཝན། ཀོ་རི་ཡ།

ཝི་ཏི་ནམ། འབར་མ། ནང་སོག ཤར་དུ་རུ་ཁ་སོགས་ཀྱི་འཐུས་མི་ཕེབས་ཡོད་པ་རེད། ཚོགས་འདུ་ཆེན་པོ་དེ་ནི་ཨ་རིའི་རྒྱལ་

ཚོགས་ཁང་ཆེན་དུ་ཚོགས་ཡོད་ཅིང༌། ཨ་རིའི་གྲོས་ཚོགས་ཀྱི་འཐུས་མི་བཞི་དང་ལྷན་དུ་ཕྱི་འབྲེལ་ཚོགས་ཆུང་གི་འཐུས་མི་འགའ་ཡང་ཕེབས་

ཡོད་པ་མ་ཟད། རྒྱལ་ཁབ་ཚང་མིའི་འཐུས་མི་ཚོས་གཏམ་བཤད་ཀྱང་གནང་ཡོད་པ་རེད། ཚོགས་འདུ་དེར་བཙན་བྱོལ་བོད་གཞུང་གི་བདེ་སྲུང་བཀའ་ཟུར་པདྨ་ཆོས་འབྱོར་མཆོག་ཕེབས་ཡོད་པ་དང༌།

ཁོང་གིས་ཉེ་དུས་བོད་ཀྱི་ཆག་འཇིག་གི་གནས་སྟངས་དང་མི་ལོ་ལྔ་བཅུའི་རིང་ལ་བོད་མི་ཚོས་དཀའ་སྡུག་ཇི་ལྟར་མྱོང་ཡོད་མེད་ཆ་ཚང་

འགྲེལ་བརྗོད་གནང་ཡོད་པ་མ་ཟད། རྒྱ་ནག་དམར་ཕྱོགས་ཚོགས་པས་བོད་ས་འཛིན་བཟུང་བྱས་ཡོད་པ་ཙམ་ལས། ནམ་ཡང་བོད་

མི་རིགས་ཀྱི་སེམས་ཁམས་དང༌།

སྙིང་སྟོབས། ལྷག་བསམ། ྋགོང་ས་མཆོག་ལ་དད་གུས་བོད་མིའི་གཞི་རྩའི་ཐོབ་ཐང་རྩོད་ལེན་སོགས་ལ་སེམས་

ཤུགས་གཡོ་བ་མེད་པ་ཡིན་ཞེས་དང༌། དེ་བཞིན་ལོ་སྔོན་མ་བོད་ཀྱི་ས་ཆ་ཤར་ལྷོ་ནུབ་བྱང་ཡོངས་རྫོགས་ནས་གྲྭ་པ་དང་བཙུན་མ་

མི་སྐྱ་ཕོ་མོ་རྒན་གཞོན་དབྱེ་བ་མེད་པ་དང༌། པེ་ཅིང་གཙུག་ལག་སློབ་གྲྭ་ཆེན་མོར་སློབ་སྦྱོང་བྱེད་བཞིན་ཡོད་པའི་སློབ་མ་ཚོས་ཀྱང༌།

རྒྱ་གཞུང་ལ་ངོ་རྒོལ་དང་རྔམ་སྟོན་ཁྲོམ་སྐོར་བྱས་སྐབས། ཁོ་ཚོས་མགྲིན་དབྱངས་གཅིག་གྱུར་གྱིས་བསྒྲགས་པའི་སྐད་འབོད་རྒྱ་མི་བོད་

ནས་ཕར་རྒྱུགས་ཤིག ྋགོང་ས་མཆོག་བོད་དུ་གདན་འདྲེན་ཞུ་དགོས་ཟེར་བ་སོགས་བོད་ནང་གི་གནས་སྟངས་དང་རྒྱ་ནག་

གིས་བོད་ལ་འཛིན་པའི་སྲིད་བྱུས་སྐོར་ངོ་སྤྲོད་འགྲེལ་བརྗོད་གནང་ཡོད་པ་དང༌། ལྷག་པར་དུ་ྋགོང་ས་མཆོག་གིས་ཕྱི་ལོ་༢༠༠༨ ཟླ་༣

ཚེས་༢༨ རྒྱ་རིགས་མི་མང་ལ་བསྩལ་བའི་གསུང་འཕྲིན་དང༌། ༢༠༠༩ དཔྱིད་གསར་དུས་ཆེན་སྐབས་རྒྱ་རིགས་རྣམས་ལ་བསྩལ་བའི་བཀའ་

སློབ་ཁག་གཉིས་པར་སློག་གྲངས་མང་བརྒྱབ་སྟེ་ཚོགས་བཅར་བ་ཡོངས་ལ་འགྲེམས་སྤེལ་གནང་ཡོད་འདུག

 སྐབས་དེར་ཚོགས་བཅར་བ་ཡོངས་རྫོགས་ཀྱིས་རྒྱ་གཞུང་གིས་བོད་མིའི་ཞི་རྒོལ་ལ་དྲག་གནོན་བྱས་པ་དང་འགྲོ་བ་མིའི་ཐོབ་ཐང་བརྩི་མེད་

རྡོག་རོལ་བཏང་བར་སྐྱོན་བརྗོད་ཤུགས་ ཆེར་བྱས་ཡོད་པ་དང༌། ད་དུང་དུས་རབས་༢༡ པའི་ནང་ཡ་ང་བྲལ་བའི་མི་སེར་སྤེལ་ཡུལ་རིང་

ལུགས་ཀྱི་ལྟ་སྤྱོད་དོར་དགོས་ངེས་ ཡིན་པ་སོགས་སྐྱོན་བརྗོད་ཀྱང་བྱས་ཡོད་པ་རེད། སྐབས་འདིར་ནིའུ་ཡོག་ཆུ་བཞི་སྒང་དྲུག་གི་རྒྱུན་

ལས་ཚེ་བརྟན་ལྷ་རྒྱལ་གྱིས་འགོ་ འཁྲིད་དེ་ཆུ་བཞི་སྒང་དྲུག་གི་ཚོགས་མི་དྲུག་ཀྱང་ཚོགས་བཅར་ཞུས་ཡོད་པ་རེད།།