འེ་ལྦན་་སྲིད་བློན་ཟུར་པ་

ཐའེ་ལྦན་གྱི་སྲིད་བློན་ཟུར་པ་ཞིག་རྒྱ་ནག་ཏུ་ཆེད་ཕེབས།

ཐའེ་ལྦན་གྱི་སྲིད་བློན་དང་སྲུང་སྐྱོབ་བློན་ཆེན་ཟུར་པ་སྐུ་ཞབས་ཧའོ་ཕེ་སུན་གཟའ་པ་སངས་ཉིན་པེ་ཅིང་དུ་མ་འོངས་

རྒྱ་ནག་དང་ཐའེ་ལྦན་དབར་གྱི་འབྲེལ་ལམ་ཡར་རྒྱས་མུ་མཐུད་གཏོང་རྒྱུའི་ཆེད་ཆེད་ཕེབས་གནང་ཡོད་པའི་སྐོར་ཐའེ་

ལྦན་གྱི་གསར་འགྱུར་བརྒྱུད་ལམ་ཐོག་གནས་ཚུལ་སྤེལ་འདུག

སྐུ་ཞབས་ཧའོ་ཕེ་སུན་གྱིས་ཕྱི་ལོ་༡༩༨༡ལོ་ནས་༡༩༩༣ལོ་བར་ཐའེ་ལྦན་གྱི་སྲུང་སྐྱོབ་བློན་ཆེན་དང་སྲིད་བློན་སོགས་ཀྱི་

ཐུགས་འགན་བཞེས་མྱོང་ཡོད་ཅིང་ཁོང་ད་རེས་རྒྱ་ནག་ནང་ཕེབས་སྐབས་རྒྱ་ནག་གི་དམག་དཔུང་ནས་ཕེབས་བསུ་ཞུས་

ཡོད་པའི་ཁར་རྒྱ་ནག་ནང་ཕེབས་རིང་རྒྱ་ནག་དང་ཐའེ་ལྦན་དབར་གྲོས་མོལ་གནང་མཁན་གྱི་རྒྱ་ནག་གྲོས་མོལ་ལྷན་

ཁང་གི་དཔོན་རིགས་གྲན་ཡུན་ལིན་དང་ཡང་མཇལ་མོལ་གནང་འཆར་ཡོད་ཅིང་དཔོན་རིགས་གཉིས་དབར་ཐའེ་ལྦན་

གྱི་སྲུང་སྐྱོབ་གནད་དོན་ཐོག་ལ་ཡང་ཕན་ཚུན་དགོངས་ཚུལ་སྤེལ་རེས་གནང་འཆར་ཡོད་པ་དང་ཡིན་ན་ཡང་ཕྱོགས་

གཉིས་ཀྱི་དམག་དོན་དཔོན་རིགས་དབར་ཕན་ཚུན་བཀའ་མོལ་གནང་མོལ་གནང་འཆར་ཡོད་མིན་ཐད་ཕྱོགས་གཉིས་

ཀས་ལན་འདེབས་གནང་མེད་པའི་སྐོར་ཐའེ་ལྦན་གྱི་མཉམ་འབྲེལ་ཚགས་ཤོག་ཐོག་གནས་ཚུལ་འཁོད་ཡོད་འདུག

དགུང་གྲངས་དགུ་ཅུར་ཕེབས་ཀྱི་ཡོད་པའི་སྐུ་ཞབས་ཧའོ་ཕད་སུན་དེ་སྔོན་ཐའེ་ལྦན་གྱི་ཆེས་མཐོའི་དཔོན་རིགས་ཀྱི་

ཐུགས་འགན་བཞེས་མྱོང་ཡོད་པའི་ཁར་གོ་མིན་ཏང་ཚོགས་པའི་ཚོགས་མི་ཡང་ཡིན་ཞིང་དེ་བཞིན་ཁོང་གིས་དེང་

སྐབས་ཡང་ཐའེ་ལྦན་གྱི་དམག་དཔུང་ནང་ཤུགས་རྐྱེན་ཆེན་པོ་ཡོད་མུས་ཡིན་པར་བརྟེན་ད་རེས་ཁོང་རྒྱ་ནག་ཏུ་ཕེབས་

ནས་རྒྱ་ནག་གི་དཔོན་རིགས་ཚོ་དང་ལྷན་དུ་མ་འོངས་མཚོ་ཁ་ཕན་ཚུན་གྱི་འབྲེལ་ལམ་དེ་བས་ཟབ་ཏུ་གཏོང་རྒྱུར་ཕན་

ཐོགས་ཡོད་སྲིད་པའི་སྐོར་གནད་དོན་དབྱེ་ཞིབ་པ་ཚོས་དགོངས་ཚུལ་གསུང་གི་ཡོད་པ་རེད།

ཐའེ་ལྦན་དང་རྒྱ་ནག་དབར་གྱི་འབྲེལ་ལམ་དེ་བཞིན་འདས་པའི་ལོ་ངོ་མང་པོའི་རིང་ཛ་དྲག་གི་གནས་སྟངས་སུ་ཡོད་

མུས་ཡིན་ཡང་ཐའེ་ལྦན་གྱི་སྲིད་དབང་གོ་མིང་ཏང་ཚོགས་པས་འཛིན་པའི་རྗེས་ཐའེ་ལྦན་གྱི་སྲིད་འཛིན་མའ་དབྱིང་

ཇའུ་ཡིས་རྒྱ་ནག་དང་ཐའེ་ལྦན་དབར་དཔལ་འབྱོར་དང་ཚོང་དོན་སོགས་ཀྱི་འབྲེལ་ལམ་ཟབ་ཏུ་བཏང་ནས་དེང་སྐབས་

ཕྱོགས་གཉིས་དབར་ཚོང་དོན་དང་དཔལ་འབྱོར་ཕན་ཚུན་འགྲོ་འོང་སོགས་ཀྱི་ཐོག་རྣམ་པ་གསར་པ་ཞིག་ཐོན་ཡོད་པ་

དང་ཡིན་ན་ཡང་ཕྱོགས་གཉིས་དབར་སྲིད་དོན་དང་དམག་དོན་སོགས་ཚོར་བ་རྣོ་བའི་གནད་དོན་ཁག་གི་ཐོག་གླེང་

སློང་གང་ཡང་གནང་གི་མེད་པ་རེད།