ཡུ་གུར་དབུ་ཁྲིད་

ཡུ་གུར་དབུ་ཁྲིད་ཀྱི་ནང་མིར་གནོད་འཚེ་མི་གཏོང་བའི་འབོད་སྐུལ། རེས་གཟའ་ཕུར་བུའི་ཉིན་ཨ་མི་རི་ཀའི་ཕྱོགས་ནས་འདི་ག་ཨ་མི་རི་ཀའི་ནང་དུ་ཡོད་པའི་རྒྱལ་སྤྱིའི་ཡུ་གུར་ཚོགས་

པའི་དབུ་ཁྲིད་ལྕམ་ར་སྦི་ཡ་ཀ་རྡིར་གྱི་ཤིང་ཅང་ནང་དུ་ལུས་པའི་ནང་མི་ཚོར་རྒྱ་ནག་གཞུང་གིས་གནོད་འཚེ་མི་

གཏོང་བའི་འབོད་སྐུལ་གནང་ཡོད་པ་རེད།  

དེ་ཡང་ཨ་མི་རི་ཀའི་ཕྱི་སྲིད་ལྷན་ཁང་གི་མགྲིན་ཚབ་པ་པི་ཇེ་ཁ་རའོ་ལི་ཡིས་རྒྱལ་སྤྱིའི་ཡུ་གུར་ཚོགས་པའི་དབུ་ཁྲིད་

ལྕམ་ར་སྦི་ཡ་ཀ་རྡིར་ཕྱི་ལོ་ཉིས་སྟོང་ལྔ་ལོར་རྒྱ་ནག་གཞུང་གིས་བཙོན་འགྲོལ་བཏང་བ་ནས་བཟུང་འདི་ག་རྒྱལ་ས་ལྦ་

ཤིང་ཀྲོན་དུ་གནས་སྡོད་བྱེད་བཞིན་པ་ཁོང་གི་བུ་ཕྲུག་དང་སྤུན་མཆེད་ཚོའི་ས་ཁང་ས་ཞིང་གི་བདག་དབང་རྒྱ་ནག་

གཞུང་གིས་བཙན་འཕྲོད་བྱེད་ཀྱི་ཡོད་པི་གནས་ཚུལ་གསལ་པོ་གཏན་འཁེལ་བ་བརྗོད་རྒྱུ་མེད་ཀྱང་སྤྱིར་བཏང་གི་

གནས་སྟངས་ཐོག་ནས་ཞུས་ན་ང་ཚོའི་རེ་བ་ལ་རྒྱ་ནག་གཞུང་ཕྱོགས་ནས་ར་སྦི་ཡ་ཀ་རྡིར་གྱི་ནང་མི་དང་སྤུན་མཆེད་

ཀྱི་ཐོག་ལ་བཙན་སྐུལ་དང་གནོད་འཚེ་མི་གཏོང་བའི་རེ་བ་བྱེད་ཀྱི་ཡོད་ལ་ད་དུང་ང་ཚོའི་ངོས་ནས་ཁོང་གི་ནང་མི་

སྤུན་མཆེད་ཚོའི་གནས་སྟངས་ཐོག་ལ་ཟབ་ནན་གྱིས་ལྟ་ཞིབ་མུ་མཐུད་བྱ་རྒྱུ་ཡིན་ཞེས་གསུངས་ཡོད་པ་རེད།

རྒྱ་ནག་གཞུང་གིས་དགུང་གྲངས་དྲུག་ཅུ་རེ་གཉིས་ལ་ཕེབས་པའི་རྒྱལ་སྤྱིའི་ཡུ་གུར་ཚོགས་པའི་དབུ་ཁྲིད་ལྕམ་ར་སྦི་ཡ་

ཀ་རྡིར་ལ་ཉེ་ཆར་ཕྱི་ཟླ་བདུན་པའི་ཚེས་ལྔ་ཉིན་ཤར་ཏུར་ཀི་སི་ཐན་ནང་དུ་ཡུ་གུར་མི་རིགས་ཚོས་རྒྱ་ནག་གཞུང་ལ་

ངོ་རྒོལ་ལས་འགུལ་སྤེལ་བ་དེ་སྐུལ་སློང་བྱེད་མཁན་ཡིན་པའི་ཉེས་འཛུགས་བྱས་ཀྱང་ཁོང་གིས་ནག་ཉེས་དེ་བདེན་པ་

མིན་པའི་འགྲེལ་བརྗོད་བྱས་པ་མ་ཟད་རྒྱ་ནག་གཞུང་གིས་ཤར་ཏུར་ཀི་སི་ཐན་གྱི་ཡུ་གུར་མི་རིགས་ཐོག་དྲག་གནོན་

བྱེད་ཀྱི་ཡོད་པའི་སྐྱོན་བརྗོད་གནང་ཡོད་པ་རེད།

ལྕམ་ར་སྦི་ཡ་ཀ་རྡིར་ལ་བུ་ཕྲུག་བཅུ་གཅིག་ཡོད་པ་དང་ཁོང་ལ་རྒྱབ་སྐྱོར་ཞུ་མཁན་ཚོས་གསུངས་ན་རྒྱ་ནག་གཞུང་

གིས་ཤར་ཏུར་ཀི་སི་ཐན་ནང་དུ་ལུས་པའི་ཁོང་གི་བུ་ཕྲུག་དང་ཕྲུ་གུའི་ཕྲུ་གུ།ཁོང་གི་སྤུན་མཆེད་གཙོས་པའི་ཁྱོན་ཁོང་

གི་ནང་མི་སུམ་བཅུ་ལྷག་གི་ས་ཁང་ས་ཞིང་བཙན་འཕྲོག་བྱ་རྒྱུའི་བཀོད་ཁྱབ་བཏང་ཡོད་པའི་སྐོར་གསུངས་ཡོད་པ་རེད།