ཡུ་གུར་འགོ་ཁྲིད་

ཡུ་གུར་མི་རིགས་ཀྱི་འགོ་ཁྲིད་ར་སྦི་ཡཱ་ཉི་ཧོང་དུ་བསྐྱོད་རྒྱུར་ངོ་རྒོལ།

༄༅།      །རྒྱ་གཞུང་གིས་ཡུ་གུར་མི་རིགས་ཀྱི་འགོ་འཁྲིད་ར་སྦི་ཡཱ་ཀ་རྡིར་ཉི་ཧོང་ལ་བསྐྱོད་རྒྱུའི་འཆར་གཞི་

དེར་སྐྱོན་བརྗོད་བྱས་ཡོད་པའི་གནས་ཚུལ་ཐོན་བཞག    བཙན་བྱོལ་ནང་ཡོད་པའི་རྒྱ་ནག་གི་ཤིན་ཅང་ཡུ་

གུར་མི་རིགས་ཀྱི་འགོ་འཁྲིད་ར་སྦི་ཡཱ་ཀ་རྡིར་བདུན་འདིའི་ནང་ཉི་ཧོང་ནང་བསྐྱོད་རྒྱུའི་འཆར་གཞི་ཡོད་སྐོར་

ཁོང་གི་རྒྱབ་བསྐྱོར་གནང་མཁན་རྣམས་ཀྱིས་གསུངས་ཡོད་པ་རེད།

འཛམ་གླིང་ཡུ་གུར་ལྷན་ཚོགས་ཀྱི་ཚོགས་གཙོ་ར་སྦི་ཡཱ་ཀ་རྡིར་ཡིས་ཉི་ཧོང་ནང་ཉིན་ལྔ་རིང་བཞུགས་འཆར་

སྐབས་ཁོང་གིས་ཉི་ཧོང་གཞུང་འཛིན་ཚོགས་པའི་གྲོས་ཚོགས་ཀྱི་འཐུས་མི་ཁག་ཅིག་དང་མཇལ་མོལ་གནང་

རྒྱུའི་འཆར་གཞི་དང་གསར་འགོད་ལྷན་ཚོགས་ཤིག་ཀྱང་བསྐོངས་ཚོགས་གནང་རྒྱུའི་འཆར་གཞི་ཡོད་པ་རེད།

ཉི་ཧོང་ནང་ཡོད་པའི་རྒྱ་གཞུང་གི་གཞུང་ཚབ་པ་ཀའི་ཏན་ཀའི་ཡིས་གསར་འགྱུར་བརྒྱུད་ལམ་ཁག་ནང་ར་སྦི་

ཡཱ་ཀ་རྡིར་གྱི་ད་ཐེངས་ཀྱི་ཉི་ཧོང་གི་གཟིགས་བསྐོར་དེར་སྐྱོན་བརྗོད་དང་ཁོང་གི་གཟིགས་བསྐོར་དེས་རྒྱ་ནག་

དང་ཉི་ཧོང་གི་འབྲེལ་བར་གནོད་སྐྱོན་ཐེབས་རྒྱུའི་ཉེན་ཁ་ཡོད་སྐོར་བརྗོད་འདུག

ཁོང་གིས་ར་སྦི་ཡཱ་ཀ་རྡིར་ནག་ཅན་ཞིག་རེད་ཅེས་དང་གལ་སྲིད་ཉི་ཧོང་ནང་ནག་ཅན་གྱི་གནས་ཚུལ་ཅིག་བྱུང་

རྗེས་དེའི་འགོ་འཁྲིད་ལ་རྒྱལ་ཁབ་གསུམ་པ་ཞིག་གིས་གདན་ཞུ་ཕུལ་བ་ཡིན་ན་དེར་ཉི་ཧོང་གི་མི་མང་རྣམས་ཀྱིས་

ཚོར་སྣང་ག་འདྲ་ཞིག་བསྐྱེད་ཀྱི་རེད་དམ་ཞེས་བརྗོད་འདུག  ཡང་ཁོང་གིས་ང་ཚོའི་ཐུ་མོང་གི་གནད་དོན་ཁག་

ནག་ཅན་གྱི་གནས་ཚུལ་དང་དོན་མེད་ཀྱི་གནས་ཚུལ་ཁག་ནས་གཡོལ་ནས་སེལ་ཐབས་གནང་དགོས་སྐོར་བརྗོད་

འདུག

རྒྱ་གཞུང་གིས་ཉེ་སྔོན་ཕྱི་ཚེས་ལྔ་ཉིན་ཤིན་ཅང་ནང་མི་གསོད་ཁྲག་སྦྱོར་གྱི་གནས་ཚུལ་བྱུང་བ་དེ་ར་སྦི་ཡཱ་ཀ་རྡིར་

ལ་ཁ་གཡོག་བྱེད་ཀྱི་ཡོད་ནའང་དོན་དོས་ཐོག་ད་བར་དེར་དག་ཐེར་འཕེར་བའི་དཔང་རྟག་གང་ཡང་བཏོན་རྒྱུ་

མེད་པ་རེད། ར་སྦི་ཡཱ་ཀ་རྡིར་རྒྱ་ནག་གི་བཙོན་ཁང་ནང་ལོ་ངོ་དྲུག་བསྡད་རྗེས་ཕྱི་ལོ་ཉིས་སྟོང་ལྔ་ལོར་ཨ་མི་རི་

ཀའི་ནང་བཙན་བྱོལ་གྱི་གནས་བབ་འོག་སྡོད་དགོས་ཆགས་ཡོད་པ་རེད། ཉི་ཧོང་ངོས་ནས་ཉེ་ལམ་གྱི་ཤིན་ཅང་

ནང་བྱུང་བའི་གནས་ཚུལ་དེ་བློ་འཚབ་བྱེད་འོས་པའི་གནས་ཚུལ་ཞིག་ལ་ངོས་འཛིན་དང་དེ་ཞི་བའི་ཐབས་ལམ་

ཐོག་སེལ་དགོས་པའི་སྐོར་གསུངས་ཡོད་པ་རེད