ཡུལ་བསྐོར་སྤྲོ་འཆམ་

ཐའེ་ལྦན་གྱི་ཀའོ་ཞུའང་དུ་ཡུལ་བསྐོར་སྤྲོ་འཆམ་འགྲོ་རྒྱུར་དགག་བྱ།

ཉེ་ལམ་བོད་མིའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཐའེ་ལྦན་གྱི་ཀའོ་ཞུའང་གྲོང་ཁྱེར་རུ་

ཆིབས་བསྒྱུར་གནང་པའི་གནད་དོན་ལ་བརྟེན་ནས་རྒྱ་ནག་གི་ཡུལ་བསྐོར་སྤྲོ་འཆམ་པ་ཚོས་ཐའེ་ལྦན་གྱི་ཀའོ་ཞུའང་

གྲོང་ཁྱེར་རུ་བལྟ་སྐོར་དང་འགྲིམ་འགྲུལ་བྱ་རྒྱུ་ཕྱིར་འཐེན་བྱ་དགོས་ལུགས་རྒྱ་ནག་གཞུང་གིས་བཀོད་ཁྱབ་བཏང་

ཡོད་པའི་གནས་ཚུལ་ཐོན་འདུག

ཐའེ་ལྦན་གྱི་རྒྱལ་ས་ཐའེ་པེ་རུ་ཡོད་པའི་རྒྱ་ནག་ཉིན་རེའི་གསར་ཤོག་གི་གནས་ཚུལ་ནང་གསལ་ལྟར་ན་ཏཱ་ལའི་

བླ་མས་ཐའེ་ལྦན་གྱི་ཀའོ་ཞུའང་གྲོང་ཁྱེར་རུ་ཆིབས་བསྒྱུར་བསྐྱངས་པའི་རྗེས་རྒྱ་ནག་སྐམ་ས་ཆེན་མོའི་ཡུལ་བསྐོར་

སྤྲོ་འཆམ་པ་ཚོས་དེ་སྔོན་གྲོང་ཁྱེར་དེའི་ནང་གླ་གཡར་བྱས་པའི་མགྲོན་ཁང་ཁག་ནས་མིང་གཞུང་སྟོང་ཚོ་མང་པོ་

ཕྱིར་འཐེན་བྱས་ཡོད་པ་དང་དེ་ལྟར་ཕྱིར་འཐེན་བྱེད་དགོས་དོན་ནི་རྒྱ་ནག་ནང་གི་ཡུལ་བསྐོར་སྤྲོ་འཆམ་ལས་ཁང་

ཚོར་གནས་སྐབས་རིང་ཐའེ་ལྦན་གྱི་ཀའོ་ཞུའང་གྲོང་ཁྱེར་རུ་འགྲིམ་འགྲུལ་མཚམས་འཇོག་བྱེད་དགོས་ལུགས་གཞུང་

ཕྱོགས་ཀྱི་བཀོད་ཁྱབ་བརྟེན་ནས་ཡིན་སྐོར་འགྲེལ་བརྗོད་བྱས་འདུག

གནས་ཚུལ་ནང་བཀོད་པར་གཞིགས་ན་རྒྱ་ནག་སྐམ་ས་ཆེན་མོ་ནས་རིང་མིན་ཕྱི་ཟླ་བཅུ་པའི་ནང་ཀའོ་ཞུའང་གྲོང་

ཁྱེར་རུ་འགྲིམ་འགྲུལ་ཆེད་སྔོན་ཚུད་ནས་མགྲོན་ཁང་གླ་གཡར་བྱས་པ་ཉིས་བརྒྱ་སྐོར་ཞིག་ནས་མགྲོན་ཁང་གླ་གཡར་

ཕྱིར་འཐེན་བྱས་འདུག་པ་དང་མིང་འདོན་མ་བྱས་པའི་ཐའེ་ལྦན་གྱི་ཡུལ་བསྐོར་སྤྲོ་འཆམ་པའི་ཚོང་དོན་ལས་ཁང་

ཞིག་གི་ལས་བྱེད་པ་ཞིག་ནས་རྒྱ་ནག་སྐམ་ས་ཆེན་མོ་ནས་ཡུལ་བསྐོར་སྤྲོ་འཆམ་པ་ཚོས་ཀའོ་ཞུའང་གྲོང་ཁྱེར་རུ་

འགྲིམ་འགྲུལ་མཚམས་འཇོག་བྱེད་པ་དེ་གྲོང་ཁྱེར་དེའི་ནང་ཏཱ་ལའི་བླ་མ་ཆིབས་བསྒྱུར་བསྐྱངས་པའི་གནད་དོན་

ལ་ཐུག་གི་ཡོད་སྐོར་དང་རྒྱ་ནག་སྐམ་ས་ཆེན་མོའི་ཡུལ་བསྐོར་སྤྲོ་འཆམ་པ་ཚོས་མགྲོན་ཁང་གླ་གཡར་དང་འགྲིམ་

འགྲུལ་ཕྱིར་འཐེན་བྱས་པ་དེས་ས་ཁུལ་ནང་ཐའེ་ལྦན་གྱི་ཤོག་སྒོར་ས་ཡ་དྲུག་ལྷག་གི་ཡོང་བབས་གྱོང་གུན་ཕོག་ཡོད་

ལུགས་སྐོར་རྒྱ་ནག་ཉིན་རེའི་གསར་ཤོག་གི་གནས་ཚུལ་ལུང་འདྲེན་བྱས་འདུག

གནས་ཚུལ་ནང་མུ་མཐུད་བཀོད་པར་གཞིགས་ན་རྒྱ་ནག་སྐམ་ས་ཆེན་མོའི་ཡུལ་བསྐོར་སྤྲོ་འཆམ་པ་ཚོས་ཐའེ་ལྦན་

གྱི་ཀའོ་ཞུའང་གྲོང་ཁྱེར་རུ་འགྲིམ་འགྲུལ་ཤར་བསྐྱོད་ཡོང་ཆེད་ཀའོ་ཞུའང་གྲོང་ཁྱེར་གྱི་མགྲོན་ཁང་མཐུན་ཚོགས་

ནས་རིང་མིན་གྲོང་ཁྱེར་དེའི་གློག་བརྙན་དུས་སྟོན་སྐབས་ཤར་ཏུར་ཀི་སི་ཐན་གྱི་དབུ་འཁྲིད་ལྕམ་རེ་སྦི་ཡ་ཀ་རྡིར་གྱི་

ལོ་རྒྱུས་གློག་བརྙན་གཟིགས་འབུད་ཕྱིར་འཐེན་དགོས་པ་སོགས་རྒྱ་ནག་སྐམ་ས་ཆེན་མོར་ཕོག་ཐུག་གི་ལས་དོན་

མཚམས་འཇོག་ཡོང་རྒྱུའི་འབོད་སྐུལ་དང་སྐུལ་ལྕག་བྱེད་རྒྱུ་ཡིན་པའི་གནས་ཚུལ་བཀོད་འདུག།