རྒྱ་གར་དུ་ཕག་་ནད་

རྒྱ་གར་དུ་ཕག་པའི་རིམས་ནད་འགོས་ཁྱབ་གནས་ཚུལ། རྒྱ་གར་ནང་ཕག་པའི་རིམས་ནད་དེས་རྐྱེན་པས་དེ་རིང་རེས་གཟའ་ཕུར་བུ་བར་མི་ཉི་ཤུ་རྐྱེན་ལམ་དུ་ཕྱིན་ཡོད་པར་

བརྟེན་ནས་རིམས་ནད་དར་ཁྱབ་བྱུང་ཡུལ་གྱི་ས་གནས་ནང་གི་སློབ་གྲྭ་ཆེ་ཆུང་དང་གློག་བརྙན་ཁང་སྟོང་ཕྲག་མང་

པོ་སྒོ་བརྒྱབ་ཡོད་པ་དང་རྒྱ་གར་གྱི་ཚོང་ལས་གྲོང་ཁྱེར་མུམ་སྦའེ་ནང་དུ་རིམས་ནད་དེ་ཁྱབ་གདལ་མི་འགྲོ་བའི་སྔོན་

འགོག་གི་ལས་འགུལ་སྤེལ་བཞིན་ཡོད་པ་རེད།

དེ་རིང་རེས་གཟའ་ཕུར་བུའི་ཉིན་རྒྱ་གར་གྱི་པི་ཊི་ཨའེ་ཟེར་བའི་གསར་ཤོག་ཐོག་ལ་རྒྱ་གར་ནང་དུ་ཕག་པའི་རིམས་

ནད་ཀྱི་ནད་པ་གསར་པ་གཅིག་ཐོན་པ་དེ་ནི་རྒྱ་གར་གྱི་ལྷོ་ཕྱོགས་སྦེང་ལཱོར་གྲོང་ཁྱེར་ནང་ནས་ལོ་ན་ཉི་ཤུ་རྩ་དྲུག་

ཡིན་པའི་བུད་མེད་ཅིག་ཡིན་ཞིང་དེའི་བར་ལ་རྒྱ་གར་གྱི་ནུབ་ཕྱོགས་ས་གནས་པུ་ནེ་ནང་དུ་རིམས་ནད་དེས་རྐྱེན་

པས་ཟླ་བ་བཅུ་གཅིག་ལ་སོན་པའི་ཕྲུ་གུ་བཅུ་གཅིག་དང་ལོ་ན་བདུན་ཅུ་དོན་ལྔ་ཡིན་པའི་བེུད་ཅིག་རྐྱེན་ལམ་དུ་

ཕྱིན་ཡོད་པའི་གནས་ཚུལ་སྤེལ་ཡོད་པ་རེད།

པུ་ནེ་གྲོང་ཁྱེར་དེའི་ནང་དུ་ཕག་པའི་རིམས་ནད་དར་ཁྱབ་མང་ཤོས་ཤིག་དང་ད་བར་ནད་པ་ཉི་ཤུ་བྱུང་ཡོད་

པའི་ནང་ནས་བཅུ་གཉིས་རྐྱེན་ལམ་དུ་ཕྱིན་ཏེ་རྒྱ་གར་གྱི་ས་ཁུལ་ནང་ནས་ཕག་པའི་རིམས་ནད་སྡུག་ཤོས་བྱུང་

ཡུལ་གྱི་ས་ཁུལ་ཞིག་ཡིན་པ་མ་ཟད་རྒྱ་གར་གྱི་ཚོང་ལས་གྲོང་ཁྱེར་མུམ་སྦའེ་བར་ལ་ཀི་ལོ་མི་ཊར་བརྒྱ་དང་ཉི་

ཤུ་ལས་མེད་ཅིང་རྒྱ་གར་གྱི་འཕྲོད་བསྟེན་ལྷན་ཁང་གིས་རྒྱ་གར་ནང་དུ་ཁྱོན་ཕག་པའི་རིམས་ནད་འགོས་ཁྱབ་

ཟིན་པའི་ནད་པ་ཉིས་སྟོང་བྱུང་ཡོད་པ་དང་གྲོང་ཁྱེར་མུམ་སྦའེ་ནང་ནས་ནད་པ་གཉིས་རྐྱེན་ལམ་དུ་ཕྱིན་པའི་

སྐོར་གསུངས་ཡོད་པ་བརྟེན་རེས་གཟའ་ལྷག་པའི་ཉིན་མུམ་སྦའེ་གྲོང་ཁྱེར་གྱི་རྒྱལ་ས་མ་ཧ་ར་ཤི་ཏྲ་ཡི་ས་གནས་

གཞུང་གིས་གཟའ་འཁོར་གཅིག་རིང་གྲོང་ཁྱེར་མུམ་སྦའེ་ནང་གི་སློབ་གྲྭ་ཁག་དང་གློག་བརྙན་ཁང་ཡོངས་རྫོགས་

སྒོ་རྒྱབ་དགོས་པའི་བཀོད་ཁྱབ་བཏང་དང་ས་གནས་པུ་ནེ་ནང་དུ་གཟའ་འཁོར་འདིའི་འགོ་སྟོད་ནས་སློབ་གྲྭ་ཁག་

སྒོ་བརྒྱབ་ཡོད་པ་དང་རེས་གཟའ་ཉི་མ་བར་གློག་བརྙན་ཁང་ཡོངས་རྫོགས་མུ་མཐུད་སྒོ་བརྒྱབ་རྒྱུ་ཡིན་པ་རེད།