རྣམ་པ་བཏོན་ཐབས།

རྒྱ་ནག་གཞུང་གིས་ཕྱི་ཕྱོགས་ལ་རྣམ་པ་བཏོན་ཐབས།  རྒྱ་ནག་གཞུང་གིས་ཕྱི་ཕྱོགས་ལ་ཕྱི་གསལ་ནང་གསལ་གྱི་རྣམ་པ་བཏོན་ཐབས་སུ་རྒྱ་ནག་གི་བདེ་འཇགས་ལས་དོན་ལྷན་

ཁང་གིས་དྲ་རྒྱ་གསར་པ་འགྲེམས་སྤེལ་བྱས་ཡོད་པའི་གནས་ཚུལ་ཐོན་འདུག     གསར་དུ་འགྲེམས་སྤེལ་བྱས་པའི་དྲ་རྒྱ་

དེའི་ཐོག་དམག་དོན་དང་འབྲེལ་བའི་གཞུང་འབྲེལ་གྱི་དཔར་རིགས་དང་བརྙན་དཔར།དྲག་པོའི་སྒྲིག་འཛུགས་ཀྱི་སྟོབས་

ཤུགས་དང་འབྲེལ་བའི་སྡོམ་རྩིས་དང་ལོ་རྒྱུས་དེ་བཞིན་རྒྱལ་ནང་སྲུང་སྐྱོབས་ཀྱི་སྲིད་ཇུས་བཅས་ཀྱི་སྐོར་རྒྱ་ཡིག་དང་

དབྱིན་ཡིག་གཉིས་ཀའི་ཐོག་ལྟ་རྒྱུ་ཡོད་པ་རེད།

རྒྱ་ནག་གི་བདེ་འཇགས་ལས་དོན་ལྷན་ཁང་གིས་དྲ་རྒྱ་སྒོ་འབྱེད་བྱེད་པའི་གསལ་བསྒྲགས་ནང་བདེ་འཇགས་ལས་དོན་

ལྷན་ཁང་གི་དྲ་རྒྱ་འགྲེམས་སྤེལ་བྱས་པ་དེ་ཕྱི་ཕྱོགས་ཀྱིས་རྒྱ་ནག་གི་བདེ་འཇགས་དང་འབྲེལ་བའི་སྲིད་ཇུས་གོ་རྟོགས་

འཕེལ་ཐབས་དང་ཆབས་ཅིག་རྒྱ་ནག་ནང་ཁུལ་དུ་དྲག་པོའི་སྒྲིག་འཛུགས་དེང་རབས་ཅན་དུ་བསྒྱུར་ཐབས་ཀྱི་རྣམ་པ་

གསལ་འདོན་ཡིན་པའི་སྐོར་འགྲེལ་བརྗོད་བྱས་ཡོད་པ་རེད།

ཉིས་སྟོང་དྲུག་ནས་བཟུང་རྒྱ་ནག་གཞུང་གི་རྒྱ་ནག་གི་དམག་དོན་གྱི་ལོ་འཁོར་སྔོན་རྩིས་ལྡབ་ལོག་འཕར་མ་སྣོན་འཇོག་

བྱས་ཡོད་པ་དང་ཆབས་ཅིག་སྔོན་རྩིས་དེ་དག་གི་ལས་དོན་ཕྱི་གསལ་ནང་གསལ་གང་ཡང་མེད་པར་སོང་ཕྱི་ཕྱོགས་ནས་

རྒྱ་ནག་གི་དམག་དོན་གྱི་དམིགས་ཡུལ་ཇི་ཡིན་སྐོར་བློ་འཚབ་བྱ་ཡུལ་དུ་གྱུར་ཡོད་པ་རེད། དེར་བརྟེན་རྒྱ་ནག་གཞུང་གིས་

ཕྱི་ཕྱོགས་ཀྱི་བློ་འཚབ་ཞི་འཇམ་བཟོ་ཐབས་སུ་ཕྱི་གསལ་ནང་གསལ་ཡོད་ཚུལ་གྱི་རྣམ་པ་མཚོན་ཆེད་རྒྱ་ནག་གི་བདེ་འཇཌ་

ལས་དོན་ལྷན་ཁང་གི་མགྲིན་ཚབ་པ་ཞེས་ལོ་རྒྱུས་ནང་ཐོག་མ་ཞིག་བསྐོ་བཞག་བྱས་ཡོད་པ་དང་ཡང་ཟླ་བ་སྔོན་མ་རྒྱ་ནག་

བཅིངས་འགྲོལ་དམག་གི་རྟེན་གཞིར་ཕྱི་རྒྱལ་གསར་འགོད་པའི་ལྟ་སྐོར་གོ་སྒྲིག་བྱས་ཡོད་པ་རེད༎