སྲུང་སྐྱོབ་གྲ་སྒྲིག

༸གོང་ས་མཆོག་ལ་སྲུང་སྐྱོབ་གྲ་སྒྲིག་འཐུས་ཚང་ཞུ་རྒྱུ།

བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སང་ཉིན་རྒྱ་གར་

བྱང་ཕྱོགས་ཨ་རུ་ན་ཅཱལ་པར་རྡེ་ཤི་མངའ་ཁུལ་གྱི་རྟ་དབང་ཁུལ་དུ་ཆིབས་བསྒྱུར་བསྐྱངས་རྒྱུ་ཡིན་པ་ལྟར་ས་མཚམས་

མངའ་ཁུལ་དེའི་ནང་རྒྱ་གར་ཉེན་རྟོག་པས་སྲུང་སྐྱོབ་ཀྱི་གྲ་སྒྲིག་འཐུས་ཚང་ཞུ་བཞིན་འདུག

མངའ་སྡེའི་སྤྱི་ཁྱབ་བློན་ཆེན་སྐུ་ཞབས་རྡོ་རྗེ་མཁའ་འགྲོ་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་ཆིབས་

བསྒྱུར་རིང་གང་ཅིའི་སྲུང་སྐྱོབ་ཀྱི་གྲ་སྒྲིག་ཆ་ཚང་ཞུས་ཡོད་པ་དང་༸གོང་ས་མཆོག་གི་སྐུ་ཆར་ཉེན་ཁ་རྩ་བ་ནས་མེད་

པའི་སྐོར་སྦུ་ལུམ་སྦག་གསར་ལམ་གྱི་བཅར་འདྲི་ཞུ་སྐབས་འགྲེལ་བརྗོད་གནང་འདུག   ཡང་ཁུལ་དེའི་ཉེན་རྟོག་པས་

འགོ་ཁྲིད་ཨེ་སི་ནོར་བུ་ལགས་ཀྱིས་རྒྱལ་ས་རིན་པོ་ཆེ་མཆོག་གི་ཆིབས་བསྒྱུར་བསྐྱངས་ཡུན་རིང་རྟ་དབང་རྫོང་གིས་ཁྱིམ་

མཚེས་རྫོང་སྡེ་ཁག་ནས་བདེ་སྲུང་ཐད་རོགས་རམ་བསླངས་ཡོད་པ་དང་རྟ་དབང་རྫོང་ལ་ཉེན་རྟོག་པ་མི་གྲངས་བརྒྱ་

དང་ལྔ་ཡོད་པའི་ཐོག་ཁྱིམ་མཚེས་རྫོང་ཁག་ནས་ཉེན་རྟོག་མི་སྣ་སུམ་བརྒྱ་ཞིག་ཁ་བསྣོན་གྲ་སྒྲིག་ཞུས་ཡོད་སྐོར་འགྲེལ་

བརྗོད་ཀྱིས་ཁྱོན་སྲུང་སྐྱོབ་མི་སྣ་བཞི་བརྒྱ་ལྷག་གོ་སྒྲིག་ཞུས་པའི་གྲས་སུ་རྣམ་ཀུན་རྒྱ་གར་གྱི་ཇ་མུ་ཀཤི་མིར་ལྟ་བུའི་

མངའ་སྡེ་ཁག་ནང་དྲག་འཐབ་མཁན་ལ་ཁ་གཏད་གཅག་མཁན་རྒྱ་གར་དབུས་གཞུང་གི་ཉེན་རྟོག་དཔུང་སྡེའི་ཁུངས་

རྟོགས་ཀྱི་བདེ་འཇགས་མི་སྣ་བརྒྱ་ཡོད་སྐོར་ཨེ་སི་ནོར་བུས་གསུངས་བཞག

སང་ཉིན་༸གོང་ས་༸སྐྱབས་མགོན་ཆེན་པོ་མཆོག་ཆིབས་བསྒྱུར་གནང་སའི་ཕེབས་ལམ་དུ་རྒྱལ་སྒོ་ཆེན་པོ་མང་པོ་བསྒྲེངས་

ཡོད་པ་དང་དང་ལངས་ཞབས་ཞུ་བ་ཚོས་ཕེབས་ལམ་གཙང་ཕྱག་ཞུས་ནས་ཕེབས་བསུའི་སྣེ་ལེན་ཟབ་རྒྱས་ཞུ་རྒྱུའི་གྲ་སྒྲིག་

ཞུ་བཞིན་ཡོད་ཅིང་རྟ་དབང་ཁུལ་གྱི་མི་དམངས་གསུམ་ཁྲི་ལྔ་སྟོང་ཙམ་གྱིས་དད་གུས་ཆེན་པོའི་སྒོ་ནས་༸གོང་ས་མཆོག་

གི་ཞལ་མཇལ་ཐོབ་རྒྱུའི་ངང་སྒུག་ཞུ་བཞིན་ཡོད་པ་རེད།

༸གོང་ས་མཆོག་བཞུགས་གདན་འཇགས་ཡུལ་རྟ་དབང་ཁུལ་གྱི་དགའ་ལྡན་རྣམ་རྒྱལ་ལྷ་རྩེ་དགོན་པའི་མཁན་པོ་གུ་རུ་

རིན་པོ་ཆེ་ཡིས་རྒྱ་ནག་གིས་སྐྱོན་བརྗོད་ཞུ་མིིན་ལ་མ་ལྟོས་པར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་

ཁག་ཐོག་མའི་འཆར་འགོད་གནང་བ་གཞི་བཟུང་འགོག་རྐྱེན་མེད་པའི་སྒོ་ནས་གནང་རྒྱུ་ཡིན་སྐོར་སྦུ་ལུམ་སྦག་གསར་

ལས་ལ་འགྲེལ་བརྗོད་གནང་བཞག།