སླར་གསོ་གནང་འཆར

ཐེ་དབན་སྲིད་འཛིན་གྱིས་དོ་ཕོག་ས་ཁུལ་སླར་གསོ་གནང་འཆར། དེ་རིང་རེས་གཟའ་སྤེན་པའི་ཉིན་ཐེ་དབན་གྱི་སྲིད་འཛིན་མཱ་ཡིང་ཅི་ཨོའ་ཡིས་ཉེ་ཆར་ཐེ་དབན་ནང་དྲག་ཆར་རླུང་

འཚུབ་ཀྱིས་རྐྱེན་པའི་ཆུ་ལོག་དང་ས་རུད་ཐེབས་པའི་གནོད་འཚེ་བྱུང་བ་དེ་དག་འཛུགས་སྐྲུན་སླར་གསོ་བྱ་རྒྱུ་ཡིན་

ཞེས་ཁས་ལེན་གནང་ཡོད་པ་རེད།  དེ་ཡང་ཐེ་དབན་ནང་རང་འབྱུང་གནོད་འཚེ་བྱུང་སྟེ་གཟའ་འཁོར་གཉིས་ཙམ་

འགྲོ་གི་ཡོད་པ་དང་སྲིད་འཛིན་མཱ་ཡིང་ཅི་ཨའོ་དང་སྲིད་བློན་དེ་བཞིན་གྲོས་ཚོགས་ཀྱི་ཚོགས་གཙོ་དང་ལྷན་དུ་རང་

འབྱུང་གི་གནོད་འཚེ་ཕོག་སྟེ་ཧ་ལམ་ཡུལ་མི་བཞི་བརྒྱ་རྐྱེན་ལམ་དུ་ཕྱིན་པའི་ངོས་འཛིན་བྱེད་ཡུལ་ཐེ་དབན་ལྷོ་ཕྱོགས་

གྲོང་མཚོའི་ནང་མྱུར་སྐྱོབ་ལས་དོན་སྤེལ་བཞིན་པའི་ཐོག་དངོས་སུ་གཟིགས་ཞིབ་ཏུ་ཕེབས་ཏེ་ངས་སྲིད་འཛིན་བྱེད་

པའི་ལས་དུས་རིང་ལ་རང་འབྱུང་གི་གནོད་འཚེ་དེར་དོ་སྣང་དང་གལ་ཆེར་མ་རྩིས་བར་ཉེན་སྐྱོབ་ཀྱི་ལས་དོན་འཐུས་

ཤོར་གཏོང་མཁན་གྱི་གཞུང་གི་ལས་བྱེད་པར་ཉེས་ཆད་གཏོང་རྒྱུ་དང་མི་དམངས་རྣམས་སླར་ཡང་གཞིས་ཆགས་ཡོང་

རྒྱུར་འཛུགས་སྐྲུན་ལས་གསོའི་ལས་དོན་ཆ་ཚང་བ་བྱ་རྒྱུ་ངོས་ནས་འགན་ལེན་བྱ་རྒྱུ་ཡིན་ཞེས་དང་ད་དུང་ད་རེས་རང་

འབྱུང་གནོད་འཚེ་དེའི་ནང་རྐྱེན་ལམ་དུ་ཕྱིན་པ་ཚོར་དྲན་རྟེན་གྱི་གླིང་ཁ་ཞིག་འཛུགས་སྐྲུན་གནང་གི་ཡིན་ཞེས་

གསུངས་ཡོད་པ་རེད།

དེ་རིང་ནས་འགོ་བཙུགས་ཏེ་ཉིན་མ་གསུམ་རིང་ཐེ་དབན་རྒྱལ་ཡོངས་རང་འབྱུང་གནོད་འཚེ་དེའི་ནང་རྐྱེན་

ལམ་དུ་ཕྱིན་པ་ཚོར་མྱ་ངན་དང་དྲན་གསོའི་ཉིན་མོར་སྲུང་བརྩི་ཞུ་བཞིན་ཡོད་པ་དང་ད་རེས་སྔ་དྲོ་ཐེ་དབན་

རྒྱལ་ཡོངས་སུ་བསྒྲེངས་འཛུགས་བྱས་པའི་རྒྱལ་དར་རྣམས་མྱ་ངན་གྱི་གུས་ལུགས་བཞིན་ཕྱེད་ཀ་ཙམ་མར་འབབ་

ཡོད་པ་དང་གཞུང་གི་དཔོན་རིགས་དང་ལས་བྱེད་པ་ཕྱེད་ཀ་ཆོས་ལུགས་བྱེད་སྒོའི་ནང་མཉམ་ཞུགས་གནང་ཡོད་

པ་མ་ཟད་ད་དུང་གཞུང་གི་དཔོན་རིགས་ནས་ཕྱི་སྲིད་བློན་ཆེན་གཞོན་པ་དང་སྲུང་སྐྱོབ་བློན་ཆེན་ལྷན་ཁང་གི་སྤྱི་

ཁྱབ་དྲུང་ཆེ་གསུམ་ལས་གནས་ནས་དགོངས་ཞུ་ཕུལ་ཟིན་ཡོད་པ་རེད༎